არბელოა: "სტვენა? ბერნაბეუს მხარდაჭერას ვთხოვ"

რეალის მთავარი მწვრთნელი, ალვარო არბელოა, ლა ლიგის მე-20 ტურში ლევანტესთან ხვალინდელი მატჩის წინ, კლუბის გულშემატკივრებს მხარდაჭერისკენ მოუწოდებს.

გავრცელდა ინფორმაცია, რომ სანტიაგო ბერნაბეუზე შეკრებილი პუბლიკა შესაძლოა ფეხბურთელებს სტვენით შეეგებოს.

— ელით თუ არა რაიმე განსაკუთრებულ რეაქციას სანტიაგო ბერნაბეუსგან?

— ბერნაბეუს აზრს ძალიან დიდ პატივს ვცემ. ვხვდები, რომ რეალის გულშემატკივრები ჩვენით გაღიზიანებულები და იმედგაცრუებულები არიან, თუმცა მათ მხარდაჭერას ვთხოვ.

რეალის 123-წლიან ისტორიაში ტიტულები ყოველთვის მაშინ მოიპოვებოდა, როცა ბერნაბეუ ფეხბურთელების გვერდით იდგა.

ხუანიტო ამბობდა, რომ „90 წუთი ბერნაბეუზე ძალიან დიდი დროა“. ეს მაშინ ხდება, როცა ბერნაბეუ ჩვენს ფეხბურთელებს გვერდში უდგას. სწორედ ამას ვთხოვ გულშემატკივრებს.

— როგორი რეალის ხილვა გსურთ მოედანზე?

— მინდა ვხედავდე გუნდს, რომელიც პირველი წუთიდანვე გამარჯვების სურვილით გამოდის მინდორზე და არანაირი ეჭვი არ არსებობს იმაში, რომ ჩვენი მიზანი მეტოქის კარისკენ შეტევაა.

მინდა, ბერნაბეუმ იცოდეს, რას ვცდილობთ. მინდა ძლიერი ხასიათით და გამოკვეთილი იდენტობით მოთამაშე გუნდი ვნახო.

მინდა, რომ ბერნაბეუზე გულშემატკივრებმა საკუთარ თავში დაინახონ თავიანთი ფეხბურთელები, — განაცხადა ალვარო არბელოამ.