არსენალმა პრემიერ ლიგის ვარსკვლავის ტრანსფერი დაადასტურა

არსენალმა ბრუნო გიმარაეშის ტრასნფერი დაადასტურა.

,,სიხარულით გაცნობებთ, რომ ბრაზილიის ნაკრების ფეხბურთელი ბრუნო გიმარაეში ნიუკასლიდან შემოგვიერთდა და კლუბთან გრძელვადიანი კონტრაქტი გააფორმა.

ბრუნო ჩვენს გუნდს მას შემდეგ შეუერთდა, რაც თავი პრემიერ ლიგის ერთ-ერთ ყველაზე გავლენიან ფეხბურთელად დაიმკვიდრა.

28 წლის ფეხბურთელმა პროფესიონალური კარიერა სამშობლოში დაიწყო. 2015 წელს მან სან-პაულუს კლუბ აუდაქსის პირველ გუნდში დებიუტი გამართა, 2 წლის შემდეგ კი ატლეტიკო პარანაენსეს შეუერთდა.

ატლეტიკოში ასპარეზობის პერიოდში ბრუნომ თავი ბრაზილიის ერთ-ერთ ყველაზე გამორჩეულ ახალგაზრდა ნახევარმცველად წარმოაჩინა და კლუბს 4 მნიშვნელოვანი ტიტულის მოგებაში დაეხმარა. წარმატებული თამაშის შემდეგ, 2020 წლის იანვარში იგი ფრანგულ ლიონში გადავიდა.

ლიგა 1-ში გატარებული 2 შთამბეჭდავი სეზონის განმავლობაში ბრუნომ კიდევ უფრო გაიმყარა რეპუტაცია და ევროპის ერთ-ერთ გამორჩეულ ნახევარმცველად ჩამოყალიბდა." - წერია ლონდონური კლუბის განცხადებაში.

არსენალმა ნიუკასლს ბრაზილიელი ნახევარმცველის ტრანსფერში 75 მილიონი ფუნტი გადაუხადა, ბრუნომ კი კონტრაქტი 4+1 ფორმატით გააფორმა.