"ასეთი მატჩები მოსაგებია", - მოდრიჩი იმედგაცრუებულია

ლუკა მოდრიჩმა პიზასთან ვერ მოგებულ (2:2) მატჩზე ისაუბრა.

როსონერი 1:0-ს იგებდა, შემდეგ 1:2-ს აგებდა და ბოლო წუთებზე მატჩის გადარჩენა შეძლო. ანგარიშის გათანაბრების შემდეგ გუნდს მოგების შანსიც ჰქონდა, თუმცა ალექსის სალემაკერსმა კარგი შანსი გაანიავა.

„მხოლოდ ჩვენი ბრალია, რომ ვერ მოვიგეთ. დღეს ორი მნიშვნელოვანი ქულა დავკარგეთ. პიზას დიდი პატივისცემის მიუხედავად, ასეთი საშინაო მატჩები ყოველთვის მოსაგებია. იმედგაცრუებულები ვართ, რომ კარგი შანსი გავანიავეთ.

მეტოქემ პერსონალური დაცვა გამოიყენა, ჩვენ კი პოზიციებს ვცვლიდით, რათა სივრცე გაგვეჩინა და მათთვის თავგზა აგვებნია. მატჩის დიდი ნაწილის განმავლობაში ეს მუშაობდა, თუმცა ჩვენ უკეთ თამაში გვმართებს. 

მეც მჭირდება ადაპტირება, გუნდმა კი უფრო მეტი ინტენსიურობით უნდა ითამაშოს. ასეთ მატჩებში კონცენტრაცია ბოლო წამებამდე გჭირდება." - აღნიშნა მილანის ნახევარმცველმა.