10 სთ წინ · 0 წთ წასაკითხად
-
Aa
+
ფონტის ზომა
ჩემპიონთა ლიგის საპასუხო 1/8 ფინალში მადრიდის ატლეტიკო და მადრიდის რეალი დაუპირისპირდნენ ერთმანეთს.
შეხვედრა ატლეტიკოს გამარჯვებით, 1:0 დასრულდა. ერთადერთი გოლი კონორ გალაჰერმა მატჩის 28-ე წამზე გაიტანა და ორი მატჩის ჯამში ანგარიში 2:2 დააფიქსირა.
დაძაბული ტაიმებისა და დამატებითი დროის შემდეგ, ყველაფერი პენალტების სერიაში გადაწყდა, სადაც ერთი იშვიათი მომენტი დაფიქსირდა: ხულიან ალვარესმა პენალტი გაიტანა, თუმცა გამეორებაზე გამოჩნდა, რომ ბურთი ორივე ფეხში მოხვდა, რის გამოც მისი გატანილი თერთმეტმეტრიანი გაუქმდა და რეალი დაწინაურდა.
ლუკას ვასკესს გამარჯვების გოლის გატანა შეეძლო, თუმცა ობლაკმა ატლეტიკო თამაშში კიდევ ცოტა ხნით დატოვა - შემდეგი დარტყმა მარკოს ლიორენტემ გააფუჭა, გადამწყვეტი პენალტი კი ანტონიო რუდიგერმა შეაგდო. ობლაკმა კუთხე გერმანელსაც გამოუცნო და აუღო კიდეც, თუმცა ხელი ვერ გაამაგრა და ბურთი ბადეში მაინც გაეხვა.
ამრიგად, რეალი ტურნირის 1/4 ფინალში გავიდა, სადაც არსენალს დაუპირისპირდება.
ნ
ნიკა შაქარაშვილი
კომენტარები
