ატლეტიკოს შემტევი ანხელ კორეა 5-მატჩიანი დისკვალიფიკაციით დაისაჯა.
ოთხი მატჩით არგენტინელი მსაჯის შეურაცხყოფისთვის დასაჯეს, ერთით კი - გაძევებისთვის. ფეხბურთელის სასჯელი გავრცელდება როგორც ლა ლიგის, ისე სამეფო თასის მატჩებზე.
კორეამ წითელი ბარათი ლა ლიგის 27-ე ტურში, ხეტაფესთან მატჩის 88-ე წუთზე მიიღო. გაძევების შემდეგ, ანხელმა არბიტრი კუანდრა ფერნანდესი უცენზურო ლექსიკით შეამკო და მსაჯმა ეს მატჩის პროტოკოლშიც ჩაწერა.
მატჩის შემდეგ კორეამ ბოდიში მოიხადა, თუმცა დისციპლინარულმა კომიტეტმა ეს არ გაითვალისწინა.
ამრიგად, კორეა ლა ლიგის 4 გატჩს გამოტოვებს და თავის გუნდს კოპა დელ რეიზე ბარსელონასთან საპასუხო 1/2 ფინალურ შეხვედრაშიც ვერ დაეხმარება.
