ბალდემ ბარსელონას თავისი სურვილი შეატყობინა

როგორც ცნობილია, ალეხანდრო ბალდემ ბარსელონას აცნობა, რომ კლუბში დარჩენა და ძირითად შემადგენლობაში ადგილისთვის ბრძოლა სურს.

ფაბრიციო რომანოს ცნობით, მოთამაშის განზრახვა ნათელია; მას შემდეგ, რაც კლუბმა მისი გაყიდვის შესაძლებლობა განიხილა, საბოლოო გადაწყვეტილება ახლა ბარსელონაზეა დამოკიდებული.

ამიერიდან სატრანსფერო ფანჯრის დახურვამდე სიტუაციის შეცვლა მხოლოდ რომელიმე ტოპ-კლუბისგან მიღებულ დიდ შეთავაზებას შეუძლია.

ბალდეს შესახებ პრესკონფერენციაზე ბარსელონას მთავარმა მწვრთნელმა, ჰანსი ფლიკმაც ისაუბრა:

„ის ხვალინდელი მატჩისთვის განაცხადში იქნება. ითამაშებს თუ არა, ამას მოგვიანებით გადავწყვეტ. მას ვესაუბრე და ყველაზე მნიშვნელოვანი ისაა, რომ ის სრულად არის ჩვენზე კონცენტრირებული და კლუბის ერთგულია. ის 22 წლისაა, ჯერ ძალიან ახალგაზრდაა და დიდი პოტენციალი აქვს.

აქ მისი პირველი სეზონი ფანტასტიკური იყო, თუმცა მას კიდევ უფრო შეუძლია გაუმჯობესება. ის ლა მასიას აღზრდილია და ბარსას ფერებს გულით ატარებს, მაგრამ აქ უნდა იყოს და განვითარება განაგრძოს.

ყოველწლიურად ლა მასიადან 3-4 ფეხბურთელი მოდის, რომლებსაც ასევე სურთ თამაში. ისინი პროფესიონალური ფეხბურთისადმი სრულად ერთგულები უნდა იყვნენ.“ - განაცხადა გერმანელმა სპეციალისტმა.