იტალიური La Repubblica-ს ცნობით, მარიო ბალოტელის სერია ა-ში დაბრუნება სურს და მას ჯენოას მთავარი მწვრთნელი ალბერტო ჯილარდინოც დაუკავშირდა.
ბალოტელისთან, რომელიც ახლა თავისუფალი აგენტია, მოლაპარაკებები მიმდინარეობს და ის მზად არის, რომ იტალიაში დაბრუნდეს.
ჯენოასთან ერთად დაიწერა ტორინოს ინტერესზეც, რომელსაც მძიმე ტრავმის გამო დუვან ზაპატა გამოაკლდა.
34 წლის ბალოტელი ბოლოს თურქული ადანა დემირსპორის შემადგენლობაში თამაშობდა. სერია ა-ში მარიოს ინტერის, მილანისა და ბრეშას რიგებში უასპარეზია.
