ბარსელონაში კმაყოფილები არიან, რომ ესპანეთის სუპერთასის ფინალში მეტოქედ სწორედ რეალი შეხვდებათ, რომელმაც ნახევარფინალში ატლეტიკო 2:1 დაამარცხა.
თავად ბარსელონამ თავის ნახევარფინალში ბილბაოს ატლეტიკი დაამარცხა 5:0.
Mundo Deportivo-ს ინფორმაციით, კატალონიური კლუბის გასახდელში სწორედ რეალთან შეხვედრას ამჯობინებდნენ. მთავარი მიზეზი მეტოქის ძალა კი არა, არამედ ემოციური ფონი და ბერნაბეუზე ბოლო კლასიკოში განცდილი მარცხისთვის (1:2) რევანშის სურვილია.
კლუბის ხელმძღვანელობაში აზრები უფრო განსხვავებული იყო, თუმცა მთლიანობაში გუნდში განსაკუთრებული მოტივაცია იგრძნობა — პრინციპულ მეტოქესთან თამაში და სეზონის პირველი ტიტულის მოპოვება სწორედ ასეთ მატჩში.
ესპანეთის სუპერთასის ფინალი 11 იანვარს საუდის არაბეთის ჯიდაში გაიმართება.
