ბასილაშვილი ინდიან უელსის ძირითად ბადეშია

ქართველმა ჩოგბურთელმა, ნიკოლოზ ბასილაშვილმა პრესტიჟული ტურნირის, ინდიან უელსის კვალიფიკაცია წარმატებით გაიარა და ძირითად ბადეში მოხვდა.

ბასილაშვილმა პირველ მატჩში ამერიკელი კრისტოფერ იუბენკსი დაამარცხა 2 სეტში (6-2, 6-4) და კვალიფიკაციის ფინალში გავიდა.

გადამწყვეტ მატჩში ნიკოლოზის მეტოქე იაპონელი იასუტაკა უჩიამა იყო, რომელსაც 3 სეტში (6-4, 3-6, 6-3) სძლია.

ძირითადი ბადის პირველ შეხვედრაში ქართველის მეტოქე ამერიკელი მარკოს ჟირონი იქნება.

ბასილაშვილი ინდიან უელსის ძირითად ბადეში 2-წლიანი პაუზის შემდეგ ითამაშებს, ამ ტურნირზე მისი საუკეთესო შედეგი ფინალია (2021 წელი), სადაც კამერონ ნორისთან დამარცხდა.