პარიზის 2024 წლის ოლიმპიადაზე ძიუდოში კაცთა -90 კგ. წონით კატეგორიაში საქართველოს ღირსებას ლაშა ბექაური იცავს.
მოქმედი ოლიმპიური ჩემპიონი 1/2 ფინალში ქართველ ტრისტან (ტატო) მოსახლიშვილს დაუპირისპირდა, რომელიც ესპანეთის სახელით გამოდის.
ქართველებს შორის დიდი ბრძოლა გაიმართა, ძირითად დროში გამარჯვებული ვერ გამოვლინდა, გოლდენ სქორში კი ძოუდოისტები 2-2 შიდოთი გადავიდნენ, საბოლოოდ ლაშა ბექაურის აქტიურობამ შედეგი გამოიღო და მოსახლიშვილმა მესამე გაფრთხილება მიიღო, ბექაური კი ფინალში გავიდა.
მოქმედი ოლიმპიური ჩემპიონი ფინალში იაპონელ სანშირო მურაოს დაუპირისპირდება, რომელმაც ფრანგი ნგაიაპ ჰამბუ დაამარცხა.
ბექაურმა ასპარეზობა 1/8 ფინალური ეტაპიდან დაიწყო. მისი მეტოქე პირველ შეხვედრაში ბულგარელი ივაილო ივანოვი იყო. ქართველი მალევე ვაზარით დაწინაურდა და შემდეგ ბრძოლა ბოლომდე თავის სასარგებლოდ მიიყვანა.
ქართველი 1/4 ფინალში კორეელ ჯუიოპ ჰანს დაუპირისპირდა. ლაშამ შეხვედრა დამაჯერებლად წაიყვანა და მეტოქეს იპონიც შეუსრულა.
ლაშამ ფინალში გასვლით საქართველოს დელეგაციას პარიზში მეორე მედალი გაუნაღდა.
