ანტონი ბეტისში შესაძლოა კიდევ ერთი სეზონით დარჩეს.
ბრაზილიელი ვინგერი ლა ლიგაში მანჩესტერ იუნაიტედიდან იჯარით ასპარეზობს, ანდალუსიურ გუნდში ის გასულ ზამთარს გადავიდა.
The Telegraph-ის ინფორმაციით, ბეტისი მანჩესტერისთვის იჯარის კიდევ ერთი წლით გახანგრძლივების შეთავაზებას ამზადებს. კლუბი მზად არის ანტონის ხელფასის დიდი ნაწილი საკუთარ თავზე აიღოს. ამჟამად, ესპანელები ფეხბურთელის ანაზღაურების 84%-ს იხდიან.
თუ შეთანხმება იმ დრომდე ვერ მოხერხდა, ანტონის წინასასეზონო მომზადების დაწყება მანჩესტერში მოუწევს.
ბეტისის მაისურით 18 ჩატარებულ შეხვედრაში ბრაზილიელმა 5 გოლი და 4 საგოლე გადაცემა მიითვალა.
