ბოლო ერთ თვეში ერთი რამ არ იცვლება - მერკვილაძის შედეგიანობა!

საქართველოს ნაკრების წევრმა, ალექს მერკვილაძემ ევროპის ჩრდილოეთის საკალათბურთო ლიგაში (ENBL) შედეგიანი მატჩი ჩაატარა.

მისმა დონარ გრონინგენმა რუმინულ ვოლუნტარის 19-ქულიანი სხვაობით, 90:71 მოუგო და ტურნირის მესამე ტურში პირველი გამარჯვება იზეიმა.

მერკვილაძემ თითქმის სრულად, 36:27 წუთი ითამაშა და ორმაგ დუბლამდე ძალიან ცოტა დააკლდა - 15 ქულა, 9 მოხსნა, 2 ასისტი. 

ქართველი მოთამაშე კარგ ფორმაში შედის - 25 ოქტომბერს შიდა ჩემპიონატის მატჩში 19 ქულა ჩაიწერა აქტივში და, საერთოდ, ბოლო ერთ თვეში ჩატარებულ 7 საკლუბო შეხვედრაში მინიმუმ 12 ქულა ჰქონდა.

ENBL-ის მორიგ ტურში, 3 ნოემბერს, მერკვილაძის გრონინგენი სტუმრად ხორვატულ ალკარს დაუპირისპირდება.