2026-27 წლების სეზონის ჩემპიონთა ლიგის პირველ საკვალიფიკაციო ეტაპზე, ფლორა ტალინთან ორრაუნდიან დაპირისპირებაში გამარჯვების შემდეგ, იბერია 1999-ის კაპიტანმა, გიორგი ჯინჯოლავამ პრესკონფერენციაზე შეფასებები გააკეთა.
"გამოჩნდა, რომ ბოლო წუთებში გვქონდა ჩავარდნა და ამაზე სამუშაო გვაქვს. ამის გარდა, დღეს კიდევ ერთხელ დამტკიცდა, რომ ფეხბურთში იოლად დასამარცხებელი მეტოქე არ არსებობს, რადგან ყველა ვითარდება. ვეცდებით, ჩვენი შეცდომები მომდევნო ეტაპისთვის გამოვასწოროთ.
როგორც თავად აღნიშნეთ, ჩემპიონთა ლიგაზე ბოლო ქართული გუნდი ჩვენ ვიყავით, რომელმაც 7 წლის წინ ერთი ეტაპი გაიარა. სხვაობა ახლა ისაა, რომ კონფერენს ლიგაა დამატებული და ყველაფერს გავაკეთებთ, რომ ჯგუფურ ეტაპზე ნებისმიერ ფასად შევიდეთ", - აღნიშნა ჯინჯოლავამ, რომელმაც ფლორას პირველ მატჩში პენალტიდან გაუტანა.
2019 წლის შემდეგ, იბერია 1999 პირველი ქართული კლუბია, რომელმაც ჩემპიონთა ლიგის ერთი საკვალიფიკაციო ეტაპი მაინც გადალახა - მაშინაც ეს ამ კლუბმა გააკეთა (საბურთალო ერქვა).
თბილისელები ჩემპიონთა ლიგის მე-2 საკვალიფიკაციო ეტაპზე სლოვაკეთის ჩემპიონ სლოვან ბრატისლავას შეხვდებიან. პირველი თამაში საქართველოშია (21 ან 22 ივლისს), ხოლო საპასუხო - სლოვაკეთში (28 ან 29 ივლისს).
VIDEO: ფრე საშინაო მატჩში - იბერიამ ესტონური ბარიერი რთულად გაიარა
