იტალიელი ჟურნალისტის, მატეო მორეტოს ინფორმაციით, ტოტენჰემი ბორნმუთის მცველის, მარკოს სენესის აგენტებთან მოლაპარაკებებშია. ფეხბურთელი მზად არის ტრანსფერს მწვანე შუქი აუნთოს.
პარასკევს ღამით ტოტენჰემი პრემიერ ლიგის გასავარდნ ზონაში აღმოჩნდა მას შემდეგ, რაც ვესტ ჰემმა ვულვზი 4:0 გაანადგურა.
მიუხედავად იმისა, რომ სასურველი მწვრთნელის დანიშვნამ გულშემატკივრებში ოპტიმიზმი გააჩინა, გუნდს 2026 წელს პრემიერ ლიგაში ჯერ არ მოუგია. ფეხბურთელების თავდაჯერებულობა ნულზეა ნოტინგემ ფორესტთან 3:0 მარცხის შემდეგ. დე ძერბიმ გუნდი სწრაფად უნდა გამოიყვანოს კრიზისიდან, რადგან წინ შვიდი „ფინალი“ ელით. იტალიელი ყველაფერს გააკეთებს ჩემპიონშიპში გავარდნის თავიდან ასაცილებლად, თუმცა მან უკვე განაცხადა, რომ გუნდს მაინც ყველანაირ შემთხვევაში უხელმძღვანელებს.
მოედნის მიღმა კი კლუბი უკვე მუშაობს იმაზე, რომ იტალიელს შემადგენლობის გასაძლიერებლად საუკეთესო ფეხბურთელები მოუყვანოს.
ჟურნალისტის თქმით, ტოტენჰემი, მანჩესტერ იუნაიტედთან და ჩელსისთან ერთად, აქტიურად ცდილობს მარკოს სენესის გაფორმებას ზაფხულის სატრანსფერო ფანჯრისთვის. ინგლისური ტრიო სხვა კლუბებზე წინაა და ფეხბურთელი გადაწყვეტილების მიღებასთან ახლოსაა.
სპურსში გადასვლა არგენტინელისთვის დიდი რისკი იქნება, რადგან მან ჯერ არ იცის, რომელ დივიზიონში მოუწევს გუნდს თამაში მომავალ სეზონში. 28 წლის მცველისგან იუნაიტედის ან ჩელსის ნაცვლად ჩრდილოეთ ლონდონელების არჩევა დე ძერბის მსგავს თავდადებას მოითხოვს.
