ალექსანდრე თოფურია UFC-ში მეორე ბრძოლას ნოემბერში გამართავს.
როგორც ესპანური გამოცემა Marca იუწყება, 22 ნოემბერს, Fight Night Qatar-ზე უფროსი თოფურია ყაზახ ბეკზატ ალმახანს დაუპირისპირდება.
ბეკზატ ალმახანს UFC-ში ორი ბრძოლა აქვს ჩატარებული - 2024 წელს ის უმარ ნურმაგომედოვთან გადაწყვეტილებით დამარცხდა, 2025-ში კი ბრად კანტონას აპერკოტით მოუგო.
მთლიანობაში ალმახანის პროფესიონალური სტატისტიკა 12-2-ზეა. უმარამდე ერთადერთი მარცხი მან 2020 წელს, ჯერ კიდევ UFC-მდე იწვნია.
შეგახსენებთ, რომ ალექსანდრე თოფურიას დებიუტი UFC-ში ამა წლის თებერვალში შედგა, როცა მან კოლბი თიქნესი გადაწყვეტილებით დაამარცხა.
