საფრანგეთის პროფესიონალური საფეხბურთო ლიგის (LFP) გადაწყვეტილებით, ლიონი ლიგა 2-ში დაქვეითდა.
ოლიმპიკი გაფრთხილებული იყო, რომ თუ ფინანსურ მდგომარეობას ვერ გამოასწორებდა, მაშინ უმაღლეს დივიზიონში ადგილს დაკარგავდა და საბოლოოდ ასეც მოხდა.
Eagle Football Group-მა, რომელიც ლიონს ფლობს, რამდენიმე ფინანსური ბერკეტი გააქტიურა, რათა მძიმე სასჯელისგან თავი აეცილებინა.
კლუბის პრეზიდენტმა, ჯონ ტექსტორმა კრისტალ პალასსა და ლიონის ქალთა გუნდში თავისი წილი გაყიდა, თუმცა გადადგმული ნაბიჯები საკმარისი არ აღმოჩნდა.
ფრანგულ კლუბს აღნიშნული გადაწყვეტილების გასაჩივრება შეუძლია.
