ბუნდესლიგის სეზონი 2025-26 წლების სეზონი იწყება.
მოქმედი ჩემპიონი ბაიერნი ალიანც არენაზე უმასპინძლებს ლაიფციგს, რომელიც ბუნდესლიგის სეზონის გახსნით შეხვედრაში პირველად ითამაშებს.
ბაიერნს საკმაოდ დატვირთული ზაფხული ჰქონდა - კლუბი აშშ-ში გაემგზავრა მსოფლიო საკლუბო ჩემპიონატზე, სადაც საბოლოოდ მეოთხედფინალში დამარცხდა.
მიუხედავად ამისა, ყველაფერი ძირითადად პოზიტიურად მიდის გუნდის მთავარ მწვრთნელ ვინსენ კომპანისთან. მან პირველივე სეზონში მოიგო ბუნდესლიგა და გასულ კვირას შტუტგარტის დამარცხებით (2-1) ფრანც ბეკენბაუერის სუპერთასიც დაუმატა კოლექციას.
ახლა კი მთელი ყურადღება ბუნდესლიგის ტიტულის დაცვისკენ არის მიმართული. მით უმეტეს, სტატისტიკა მათ მხარეს არის: ბოლოს, როცა მოქმედი ჩემპიონი ბუნდესლიგის პირველ ტურში დამარცხდა, 2001 წელი იყო.
ლაიფციგმა შარშანდელ სეზონში ბუნდესლიგაში ყველაზე ცუდი შედეგი აჩვენა და მეშვიდე ადგილი დაიკავა, რაც იმას ნიშნავს, რომ პირველად 2016/17 წლების შემდეგ ევროპაში არ ითამაშებს. თუმცა ეს შეიძლება უპირატესობადაც იქცეს მათთვის, რადგან ბოლოს, როცა გუნდი ევროპაში არ ასპარეზობდა, ბუნდესლიგაში მეორე ადგილზე გავიდა.
სავარაუდო შემადგენლობები
ბაიერნი - ნოიერი; ლაიმერი, უპამეკანო, ტა, სტანიშიჩი; კიმიხი, გორეცკა; გნაბრი, ოლისე, დიასი; კეინი
ლაიფციგი - გულაჩი, ბაკუ, ორბანი, ლუკება, რაუმი; ზივალდი; შლაგერი, სიმონსი; ბაკაიოკო, ოპენდა, ნუსა
მატჩი 22:30 საათზე დაიწყება.
