ჩაკვეტაძის საგოლე გადაცემა და უოტფორდის ორიდან ორი

ინგლისის ჩემპიონშიფის მე-2 ტურში უოტფორდმა საკუთარ მოედანზე სტოკ სიტი მიიღო. სასტარტო შემადგენლობაში იყო გიორგი ჩაკვეტაძე, რომელმაც პირველ ტურში მილუოლთან ბრწყინვალე ჯარიმა გაიტანა, უოტფორდმა კი ის შეხვედრა 2-3 მოიგო.

დღევანდელი დაპირისპირება მასპინძელთა დამაჯერებელი გამარჯვებით 3-0 დასრულდა. ქართველმა ნახევარმცველმა თავი მე-3 გოლისას გამოიჩინა, როცა ედო კაიემბეს საგოლე გადაცემა გაუკეთა, კონგოელმა კი დუბლი შეასრულა.

ჩაკვეტაძე ტომ კლევერლიმ 84-ე წუთზე შეცვალა, ვიკარიჯ როუდზე შეკრებილი გულშემატკივრები კი გიორგის ფეხზე წამოუდგნენ და ოვაციებით გააცილეს.

ქართველმა ნახევარმცველმა 36-დან 31 ზუსტი პასი შეასრულა, მათ შორის 6 გრძელი პასიდან 5 ზუსტი იყო. მან 7 მნიშვნელოვანი პასი გააკეთა და 6 დუელიდან 5 მოიგო. მისი დრიბლინგის 3 მცდელობიდან სამივე წარმატებული იყო. საბოლოოდ ჩაკვემ Sofascore-სგან 8.2 შეფასება დაიმსახურა, რითიც დუბლის შემსრულებელი კაიემბეს შემდეგ საუკეთესო იყო.

ჩაკვეტაძის ანგარიშზე ორი ტურის შემდეგ 1 გოლი და 1 საგოლე გადაცემაა, უოტფორდმა კი ორივე მატჩი მოიგო და სატურნირო ცხრილს ბარნლისთან ერთად 6 ქულით სათავეში უდგას.