ჩელსიმ ინგლისის ეროვნული ნაკრების ნახევარმცველის, ჯორდან ჰენდერსონის, ტრანსფერი ოფიციალურად დაადასტურა.
გამოცდილმა ნახევარმცველმა, რომელმაც კარიერის განმავლობაში 8 ტიტული მოიგო, მათ შორის ინგლისის პრემიერ ლიგა და უეფას ჩემპიონთა ლიგა, „ლურჯებთან“ ორწლიან კონტრაქტს მოაწერა ხელი.
„ამ კლუბის მასშტაბების, მთავარი მწვრთნელის, რომლის მიმართაც უდიდესი პატივისცემა მაქვს, და ფეხბურთელების ხარისხის გათვალისწინებით, ეს ისეთი შესაძლებლობა იყო, რომელზეც უარის თქმა უბრალოდ არ შემეძლო.
ასევე ძალიან დიდი შთაბეჭდილება მოახდინა იმან, თუ რამდენად დიდი სურვილი აქვთ კლუბის მფლობელებს, რომ ჩელსი წარმატებული იყოს და სწორი მიმართულებით განვითარდეს.
ჩემთვის მთავარი ყოველდღიურად, როგორც მოედანზე, ისე მის ფარგლებს გარეთ, მაქსიმუმის გაღებაა, რათა თანაგუნდელებსა და მთლიანად გუნდს ყველანაირად დავეხმარო. ძალიან მიხარია, რომ ამ ყველაფერს უკვე ვიწყებ.“ - განაცხადა ჰენდერსონმა.
