ილია თოფურიამ სოციალურ ქსელში პოსტი გაავრცელა.
"ჩემპიონი დაბრუნდა!!!" - წერს ქართველი ჩემპიონი ინსტაგრამზე და ვარჯიშის ფოტო-ვიდეო მასალას ურთავს თან.
შეგახსენებთ, რომ თოფურიას პირადი პრობლემების გამო UFC-ში მცირე პაუზა ჰქონდა აღებული და სწორედ ამის გამო, მსუბუქ დივიზიონში დროებითი ჩემპიონის ტიტული გათამაშდა, რომლისთვის ბრძოლაშიც ჯასტინ გეიჯიმ პედი პიმბლეტი დაამარცხა.
დიდი ალბათობით, თოფურიას მომდევნო მეტოქე სწორედ გეიჯი იქნება, თუმცა როდის ჩატარდება ეს ბრძოლა ჯერ-ჯერობით უცნობია.
ილიამ ბოლო ბრძოლა 2025 წლის ივნისში გამართა, სადაც მსუბუქი წონის ტიტულისთვის ბრძოლაში ჩარლზ ოლივეირა პირველი რაუნდის ნოკაუტით დაამარცხა.
