ჩემპიონთა ლიგის 1/4 ფინალში პსჟ-ს მეტოქე ოფიციალურად გაირკვა

ჩემპიონთა ლიგის 1/8 ფინალში ასტონ ვილამ ბრიუგეს 3:0 მოუგო.

შეხვედრა ვილა პარკზე გაიმართა და მასპინძელთა გამანადგურებელი გამარჯვებით დასრულდა. ორი მატჩის ჯამში ინგლისელებმა 6:1 მოიგეს.

ბრიუგეს, რომელმაც პირველი მატჩი შინ 1:3 დათმო, საქმე მე-17 წუთზე გაურთულდა, როცა გუნდი კაცნაკლული დარჩა.

სამივე გოლი ასტონ ვილამ მეორე ტაიმში გაიტანა. ცვლილებაზე შემოსულმა მარკო ასენსიომ დუბლი მიითვალა, კიდევ ერთი გოლი კი იან მაათსენის ანგარიშზეა.

ამრიგად, ასტონ ვილა ტურნირის 1/4 ფინალში გავიდა, სადაც პარი სენ-ჟერმენს დაუპირისპირდება.

1/4 ფინალური მატჩები 8/9 და 15/16 აპრილს გაიმართება.