ჩიგბურთი - ლოპოტაზე ქალთა საერთაშორისო ტურნირი მიმდინარეობს

ლოპოტა სპა რეზორტზე საერთაშორისო ტურნირი LOPOTA TENNIS OPEN ოფიციალურად გაიხსნა და აქტიურ ფაზაშია.

მსოფლიო დონის სპორტულ ღონისძიებას ლოპოტა სპა რეზორტი ზედიზედ მესამე წელია მასპინძლობს. წლევანდელი ტურნირი 26 აპრილს დაიწყო და 9 მაისის ჩათვლით გაგრძელდება.

შეჯიბრება ორი დამოუკიდებელი ტურნირის ფარგლებში იმართება და განსაკუთრებით მასშტაბურია, რადგან აერთიანებს W75 და W50 კატეგორიების ტურნირებს.

ტურნირი International Tennis Federation-ის (ITF) ეგიდითა და საქართველოს ჩოგბურთის ფედერაციის ორგანიზებით ტარდება. მასში მონაწილეობას მსოფლიოს 20-ზე მეტი ქვეყნის პროფესიონალი ქალი ჩოგბურთელები იღებენ.

LOPOTA TENNIS OPEN ყველაზე მასშტაბური და მაღალი კატეგორიის ჩოგბურთის ტურნირია, რომელიც ამ დრომდე საქართველოში ჩატარებულა.