"დააკვირდით სენეგალელთა რეაქციას, ეს ყველაფერი ძალიან უცნაურია", — გულიტი

ნიდერლანდების ნაკრების ყოფილმა ნახევარმცველმა, რუდ გულიტმ,ა აფრიკის თასის ფინალში ვერ გატანილ პენალტზე ისაუბრა.

მაროკოს ნაკრები სენეგალთან დამატებით დროში დამარცხდა 0:1.

მეორე ტაიმისთვის დამატებულ 24-ე წუთზე მაროკოელმა ნახევარმცველმა ბრაჰიმ დიასმა პენალტი პანენკას სტილში ცენტრში დაარტყა, თუმცა სენეგალის მეკარემ ედუარ მენდიმ ბურთი დაიჭირა. ეპიზოდს წინ უძღოდა ხანგრძლივი კამათი პენალტის დანიშვნის გამო, რის შემდეგაც სენეგალის ფეხბურთელებმა მოედანი დროებით დატოვეს კიდეც.

გულიტი:

„უნდა დააკვირდეთ სენეგალის ფეხბურთელების რეაქციას. არავინ ტაშს არ უკრავს, არავინ ხარობს, უბრალოდ თამაშს აგრძელებენ. ეს ძალიან უცნაურია."

რაფაელ ვან დერ ვარტი:

„სიმართლე რომ ვთქვათ, ეს პენალტი საერთოდ არ უნდა დანიშნულიყო. იქნებ ეს ფეარ-პლეის ჟესტი იყო?"

ბოლოს, გულიტი დასძენს:

„მე მხოლოდ იმას ვამბობ, რომ მათი რეაქცია უცნაურია. როცა პენალტის ეპიზოდი ასეთ დიდხანს გრძელდება, ბოლოს ბრუნდები მოედანზე და მეტოქე ვერ იტანს, წესით ძალიან ბედნიერები უნდა იყვნენ."