დანა უაითის საჩუქარი ილია თოფურიას

UFC-ის პრეზიდენტმა დანა უაითმა ორგანიზაციის მთავარ მოქმედ ვარსკვლავს, ქვემსუბუქი წონის ჩემპიონ ილია თოფურიას, თეთრ სახლში დაგეგმილ ისტორიულ სატიტულო ბრძოლამდე განსაკუთრებული საჩუქარი გაუკეთა.

29 წლის მატადორი, რომელიც კვირას ჯასტინ გეიჯის წინააღმდეგ ტიტულის გაერთიანებას შეეცდება, ამჟამად სპორტში ალექს პერეირასთან ერთად ყველაზე რეიტინგულ მებრძოლად ითვლება.

UFC Embedded-ის ბოლო ეპიზოდში გამოჩნდა მომენტი, როდესაც თოფურიამ უაითისგან გამოგზავნილი ყუთი გახსნა, სადაც ექსკლუზიურად მისთვის დამზადებული, UFC Freedom 250-ის სიმბოლიკიანი სპორტული ჩანთა აღმოჩნდა. „ოჰ, ღმერთო ჩემო, ეს საჩუქარია? დიდი მადლობა, დანა! ძალიან მომწონს, საჩემოა, არა?“ - ასეთი იყო ჩემპიონის რეაქცია.

დანა უაითმა TNT Sports-თან ინტერვიუში ხაზი გაუსვა, რომ თოფურიასა და პერეირას ერთ ქარდზე ყოფნა შემთხვევითობა არ არის და მათ ვარსკვლავურ სტატუსზე მიუთითებს.

გარდა ამისა, UFC-ის ხელმძღვანელმა კიდევ ერთი შთამბეჭდავი დეტალი გაამჟღავნა: ტურნირის მთავარი ბრძოლის მონაწილეები ოქტაგონისკენ სვლას პირდაპირ თეთრი სახლის ოვალური კაბინეტიდან დაიწყებენ, რაც ამ საღამოს სრულიად უნიკალურს გახდის.

თოფურია, რომელმაც ზედიზედ სამი ნოკაუტით დაამარცხა ვოლკანოვსკი, ჰოლოუეი და ოლივეირა, ოქტაგონზე ტრადიციულად Cancion del Mariachi-ს ფონზე გამოვა.