დანა უაითისა და შონ სტრიკლენდის დაპირისპირება

UFC-ის Freedom 250 ტურნირისა და თეთრ სახლში დაგეგმილი სპეციალური ღონისძიების წინ, ორგანიზაციის პრეზიდენტ დანა უაითსა და საშუალო წონის ჩემპიონ შონ სტრიკლენდს შორის აზრთა სხვადასხვაობაა.

სტრიკლენდი ამტკიცებს, რომ მას ღონისძიებაზე დასწრება აუკრძალეს, თუმცა უაითი ამ ინფორმაციას უარყოფს. სამშაბათს გამართულ პრესკონფერენციაზე დანა უაითმა ხუმრობით უპასუხა გავრცელებულ ხმებს სტრიკლენდის ბლოკირების შესახებ:

როგორც ჩანს, ამ ქვეყანაში ყველას ბანი აქვს დადებული. რა თქმა უნდა, შონ სტრიკლენდისთვის მონაწილეობის მიღება არავის აუკრძალავს. სტრიკლენდი ზოგადად კაცობრიობისგან არის აკრძალული! ჩვენ უბრალოდ არ გვინდა, რომ ის სადმე ადამიანებთან ახლოს იყოს.

Power Slap-ის შოუზე გამოჩნდება თუ არა, მაშინვე ჩხუბს იწყებს. თავად თქვა, რომ ამ ღონისძიებაში მონაწილეობა არ სურდა, ახლა კი ამბობს, რომ დაბლოკეს. არავინ არის ბანდადებული - არც მებრძოლები, არც მედია.

უაითმა განმარტა, რომ თეთრი სახლის ღონისძიება მკაცრად არის ორგანიზებული და ბილეთების უმრავლესობას თავად პრეზიდენტის ადმინისტრაცია აკონტროლებს.

ჩემპიონმა უაითის კომენტარს სოციალურ ქსელშივე უპასუხა და დააზუსტა, რომ ორგანიზაციის მთავარმა ბიზნეს-დირექტორმა, ჰანტერ კემპბელმა შეატყობინა, რომ მისი კანდიდატურა უსაფრთხოების სამსახურმა არ დაამტკიცა:

მე არ მითქვამს, რომ UFC-მ დამბლოკა. მე ვთქვი, რომ თეთრმა სახლმა არ მომცა უფლება.

მოგვიანებით მან ვიდეოც ჩაწერა, სადაც სიტუაციას იუმორით შეხედა: „საწყენადაც არ მაქვს საქმე. საერთოდ წარმოგიდგენიათ ჩემი თავი კაშ პატელთან (თეთრი სახლის მაღალჩინოსანი) ერთად მჯდომარე? მე რომ ვიყო, ჩემს თავს თეთრ სახლში მეც ავკრძალავდი!“