არსენალი მზად არის ზაფხულში ფულემს დაუპირისპირდეს ბრაზილიელი ნახევარმცველის, დანილოს ხელში ჩასაგდებად.
ფეხბურთელი, რომელიც ადრე ნოტინგემ ფორესტში თამაშობდა, ამჟამად ბოტაფოგოს ღირსებას იცავს, თუმცა ბრაზილიური კლუბის ფინანსური კრიზისის გამო მისი გაყიდვა გარდაუვალია.
Ge Globo-ს ცნობით, არსენალი ერთ-ერთია იმ ოთხ კლუბს შორის, რომლებმაც ფეხბურთელის წარმომადგენლებთან კონტაქტი უკვე დაამყარეს. დანილოს მიმართ ინტერესს მონაკო, ბენფიკა და გალათასარაიც იჩენენ. ფულემმა უკვე გამოთქვა მზადყოფნა, რომ 25 წლის ბრაზილიელში 30 მილიონი ევრო გადაიხადოს.
დანილო ბრწყინვალე ფორმაშია. მიმდინარე სეზონში მან 39 მატჩში 18 საგოლე მოქმედება მიითვალა. ის ასევე განიხილება კარლო ანჩელოტის ბრაზილიის ნაკრების შემადგენლობაში მსოფლიო ჩემპიონატისთვის, რომელიც მომავალ თვეში იწყება.
არსენალისთვის ეს ტრანსფერი შესაძლოა სტრატეგიული აღმოჩნდეს, რადგან ვრცელდება ხმები კაპიტან მარტინ ოდეგორის შესაძლო წასვლის შესახებ.
შეგახსენებთ, რომ მიკელ არტეტას გუნდი ისტორიული სეზონის ზღვარზეა: ისინი ლიდერობენ პრემიერ ლიგას და გასულნი არიან ჩემპიონთა ლიგის ფინალში, სადაც პსჟ-ს დაუპირისპირდებიან.
