დასანანი მარცხი - საქართველომ საფრანგეთთან ბოლო წუთებზე წააგო

ევროპის 21-წლამდე ჩემპიონატზე მე-2 ტურის მატჩში საქართველო საფრანგეთს დაუპირისპირდა, შეხვედრა დაძაბული და უხვგოლიანი გამოდგა.

35-ე წუთზე საჯარიმოში საბა საზონოვმა მატის ტელის წინააღმდეგ წესები დაარღვია, რომელიც დაზარალებულმა თავადვე აქცია გოლად. პირველი ტაიმი ფრანგებმა 1-0 მოიგეს.

მეორე ტაიმში კი ნამდვილი დრამა დაიდგა. 76-ე და 84-ე წუთებზე ჯერ გიორგი აბუაშვილმა გაათანაბრა ანგარიში, შემდეგ კი საბა საზონოვმა თვური დარტყმით გაიყვანა წინ ჩვენი გუნდი.

VIDEO: შეცვლაზე შემოსული მოთამაშეები - აბუაშვილმა საფრანგეთთან გაათანაბრა

VIDEO: საზონოვიიი! ქართველი მცველის გოლი საფრანგეთის კარში

თუმცა რამაზ სვანაძის გუნდმა მატჩის ბოლომდე მიყვანა თავის სასარგებლოდ ვერ შეძლო. 89-ე წუთზე იოჰან ლეპენანმა გაათანაბრა ანგარიში.

თამაშის კომპენსირებული დრო კი უსასრულოდ გაიწელა, 6 წუთის მაგივრად, რომელიც მსაჯმა დაამატა, მოთამაშეებმა 12 წუთი ითამაშეს. 92-ე წუთზე ტიერნო ბარიმ გაიტანა გოლი, თუმცა ბურთი თამაშგარე მდგომარეობის გამო არ ჩაითვალა.

102-ე წუთზე კი ბარიმ ამჯერად წესების დაცვით გაიტანა გოლი და საფრანგეთს უმნიშვნელოვანესი 3 ქულა მოუტანა, საქართველომ კი დასანანი მარცხი იწვნია.

პარალელურად პორტუგალიამ პოლონეთი 5-0 გაანადგურა, ჯგუფში კი ახლა პორტუგალიელებსა და ფრანგებს 4-4 ქულა აქვთ, ქართველები კი 3 ქულით მე-3 ადგილზე არიან.

ბოლო ტურში საქართველო გადამწყვეტ მატჩში პორტუგალის დაუპირისპირდება, საფრანგეთი კი - პოლონეთს, რომელიც ჯგუფში უკვე ოფიციალურად ჩარჩა. მე-3 ტურის შეხვედრები 17 ივნისს გაიმართება.

U21 ევრო - რა შემთხვევაში გავა საქართველო ჯგუფიდან?