მადრიდის რეალი და ჟოზე მოურინიო შეტევის ხაზის რადიკალურ წმენდას იწყებენ.
ესპანური გრანდი ბაიერნიდან მაიკლ ოლისეს ტრანსფერს ამზადებს, რის გამოც კლუბს ენდრიკის ან გონსალო გარსიას განათხოვრება მოუწევს.
ESPN-ის ინფორმაციით, მოურინიო პრესეზონზე ორივე ახალგაზრდას დააკვირდება და საბოლოო გადაწყვეტილებას სწორედ ამის შემდეგ მიიღებს. ენდრიკი, რომელიც ლიონში გატარებული წარმატებული იჯარის შემდეგ მადრიდში ბრუნდება, მორიგ განათხოვრებაზე კატეგორიულ უარს ამბობს. ბრაზილიელის აგენტები ითხოვენ, რომ ის გუნდში დარჩეს და სასტარტო შემადგენლობაში ადგილის მოსაპოვებლად იბრძოლოს.
ბრაზილიელმა პოზიციები 2025 წლის საკლუბო მუნდიალის წინ მიღებული ტრავმის გამო დაკარგა, რითაც ყოფილი მწვრთნელის, ჩაბი ალონსოს ფორმაციაში გონსალო გარსიამ იდეალურად ისარგებლა. უტიტულო სეზონის შემდეგ რეალმა ალონსო ჟოზე მოურინიოთი ჩაანაცვლა და შემადგენლობა სერიოზულად გააძლიერა, კლუბმა მარკ კუკურელია, დენზელ დუმფრისი, ბერნარდუ სილვა და იბრაჰიმა კონატე დაიმატა.
ახალი ტრანსფერების განსახორციელებლად და ბიუჯეტის გასათავისუფლებლად მადრიდელებს ფეხბურთელების გაშვება სჭირდებათ. ახალგაზრდა არგენტინელი ფრანკო მასტანტუონო გუნდს იჯარით დატოვებს, ედუარდო კამავინგა კი შესაძლოა სრულფასოვანი ტრანსფერით გაიყიდოს.
