საქართველოს ეროვნულ ლიგაში მე-5 ტურის მატჩები გაიმართა, თუმცა ეს გუნდების უმრავლესობისთვის (კერძოდ, 6 მათგანისთვის) სეზონში მე-4 თამაში გამოდგა.
ტურის მთავარ შეხვედრაში დილამ დინამო თბილისი სტუმრად დაამარცხა, რაც 2023 წლის შემდეგ პირველად მოხდა - გოლები მენთეშაშვილმა და მუსელიანმა შეაგდეს.
თბილისი, დინამო არენა - დინამო თბილისი V დილა - 1:2 (გვასალია - მენთეშაშვილი, მუსელიანი);
წყალტუბო, სპორტული ცენტრი - სამგურალი V რუსთავი - 2:1 (ხორხელი, უელისონი - ჟანი);
ბათუმი, ბათუმი არენა - დინამო ბათუმი V სპაერი - 4:1 (კალანდარიშვილი, მანდრიჩენკო (2), მარა - გეგიაძე);
ქუთაისი, რამაზ შენგელია - ტორპედო V მეშახტე - 3:0 (დეისაძე, არაბიძე, ფელიპე პირეში);
თბილისი, დავით პეტრიაშვილი - გაგრა V იბერია 1999 - 1:2 (მუჯირი - ქარდავა, გოშთელიანი).
ჩემპიონატს კვლავ 9-ქულიანი სპაერი ლიდერობს, რომელსაც 8-ქულიანი სამგურალი მიჰყვება, თამაშით ნაკლები და 7 ქულა აქვს იბერიას, ხოლო დინამო ბათუმს, ტორპედოსა და დილას 6-6 ქულა აქვთ (დილასა და დინამო ბათუმს 4-4 ტურში).
3-3 გოლით, ბომბარდირობას რუსთავის ფორვარდი ჟანი და სპაერის მარცხენა მცველი, გიგა სამხარაძე იყოფენ - სამხარაძემ 3-ვე გოლი პენალტიდან შეაგდო.
მე-6 ტურის მატჩები 7 აპრილს გაიმართება, მთავარი თამაში რამაზ შენგელიაზეა - ტორპედო დინამო თბილისს ქართულ კლასიკოში დაუპირისპირდება.
