დავითაშვილის სენტ-ეტიენმა ცხრილში ლიდერობა განიმტკიცა

საფრანგეთის ლიგა 2-ის მე-10 ტურში ზურიკო დავითაშვილის სენტ-ეტიენმა საკუთარ მოედანზე ნანტს უმასპინძლა.

დრამატულ ბრძოლაში, ბოლო წუთზე გატანილი გოლით, სენტ-ეტიენმა 1:0 გაიმარჯვა.

საქართველოს ნაკრების შემტევი, 12 სექტემბრის შემდეგ პირველად, გუნდის სასტარტო შემადგენლობაში გამოჩნდა. დავითაშვილმა მოედანზე 84 წუთი დაჰყო და შეტევაში საკმაოდ აქტიურიც იყო.

ურთულესი და დაძაბული მატჩის ბედი 90-ე წუთზე აუგუსტინ ბოაკიეს ზუსტმა დარტყმამ გადაწყვიტა.

ამ გამარჯვების წყალობით სენტ-ეტიენმა 25 ქულა დააგროვა, უახლოეს მდევარს უკვე 6 ქულით გადაასწრო და გათამაშების სატურნირო ცხრილში ერთპიროვნული ლიდერობა კიდევ უფრო განიმტკიცა.