იტალიის სერია A-ს დეკემბრის თვის საუკეთესო ფეხბურთელად ლაუტარო მარტინესი დაასახელეს.
ინტერის კაპიტანმა გამოკითხვაში რასმუს ჰოილუნს, კრისტიან პულიშიჩს, ჯანლუკა სკამაკას, ქენან იილდიზსა და ნიკოლა ვლაშიჩს აჯობა.
ლაუტარომ დეკემბერში, სერია A-ს ეგიდით, 3 მატჩი ჩაატარა და 4 საგოლე მოქმედება მიითვალა - 3 გოლი და 1 ასისტი.
28 წლის არგენტინელმა იტალიის ჩემპიონატის თვის საუკეთესო ფეხბურთელის ჯილდო მეორედ მოიგო - ასევე 2023 წლის ოქტომბერში.
აქვე ვთქვათ, რომ აგვისტოში ჯილდო ქენან იილდიზმა მიიღო, სექტემბერში - კრისტიან პულიშიჩმა, ოქტომბერში - ანდრე-ფრანკ ზამბო ანგისამ, ხოლო ნოემბერში - ჯეიმი ვარდიმ.
სერია A თვის საუკეთესო ფეხბურთელის ჯილდოს 2019 წლის სექტემბრიდან გასცემს და ის ყველაზე მეტჯერ, 5-ჯერ პაულო დიბალას აქვს მოგებული, 4-ჯერ - ხვიჩა კვარაცხელიას, 3-ჯერ კი - რაფაელ ლეაუს.
