ბარსელონა ჩავი სიმონსის გარემოცვას დაეკონტაქტა.
Diario Sport-ის ინფორმაციით, დღეს კატალონიელთა სპორტული დირექტორი დეკუ ნიდერლანდელი ფეხბურთელის წარმომადგენლებს შეხვდა, მათი საუბარი დაახლოებით 45 წუთს გაგრძელდა.
სიმონსს ამ ზაფხულს კლუბის შეცვლა მტკიცედ აქვს გადაწყვეტილი და მისი აგენტი ევროპაში შესაძლო ვარიანტების ძიებაში იმყოფება.
თავად ფეხბურთელი ბარსაში დაბრუნებაზე ოცნებობს, რომლის აღზრდილიც არის. თუმცა, ის თავადაც ხვდება, რომ კატალონიელთა ფინანსური პრობლემების გამო, ტრანსფერის განხორციელება რთული იქნება.
ლაიფციგი სიმონსს 70 მილიონ ევროდ აფასებს, ამ თანხის გადახდა ამ ეტაპზე ბლაუგრანასთვის შეუძლებელია.
