დიდებული მატჩი და ქამბექი ბოლო წუთებზე - რეალი მადრიდში უპირატესობით ბრუნდება

ჩემპიონთა ლიგის 1/16-ფინალური ეტაპის პირველ მატჩში მადრიდის რეალმა სტუმრად მან სიტი დაამარცხა.

მატჩი ეტიჰადზე გაიმართა და მადრიდელთა გამარჯვებით 3:2 დასრულდა.

პირველ ტაიმში მაყურებელმა უამრავი საგოლე მომენტის მიუხედავად მხოლოდ ერთი გოლი იხილა - სანამ რეალი მომენტს მომენტზე აფუჭებდა, სიტი ჰალანდის გოლით მე-19 წუთზე დაწინაურდა. 

მეორე ნახევარში გაცილებით მეტი გოლი ვიხილეთ - მე-60 წუთზე კილიან მბაპემ წონასწორობა აღადგინა და თითქოს, სათამაშო უპირატესობა მადრიდელებისკენ გადაიხარა, თუმცა მე-80 წუთზე სებალიოსის დარღვევის გამო პენალტი დაინიშნა, რომელიც ჰალანდმა უზადოდ შეასრულა, დუბლი მიითვალა და სიტი კვლავ წინ გაიყვანა.

თუმცა, რეალს ლიგაზე დანებება არ სჩვევია - 86-ე წუთზე მოედანზე ორი წუთის შემოსულმა ბრაჰიმ დიასმა საჯარიმოში დამატებაზე ყველას დაასწრო და წონასწორობა კვლავ აღადგინა.

როცა თითქოს გუნდებმა ფრეზე მოილაპარაკეს, კარლო ანჩელოტიმ კილიან მბაპე მცველი ფრან გარსიათი შეცვალა, მადრიდელებმა მესამე გოლი სწორედ მაშინ გაიტანეს - ვინისიუსმა რიკო ლიუისის შეცდომით ისარგებლა და კარიდან გამოსულ ედერსონს ბურთი თავზე გადაუგდო, რითაც ჯუდ ბელინგემმა ისარგებლა და მე-2 დამატებულ წუთზე გამარჯვების გოლი გაიტანა.

ამრიგად, რეალმა ისტორიაში პირველად შეძლო ეტიჰადზე გამარჯვების მოპოვება და 19 თებერვალს, სანტიაგო ბერნაბეუზე გასამართ საპასუხო მატჩს უპირატესობით შეხვდება.