მას შემდეგ, რაც ტიაგო პიტარჩიმ გუნდში საკვანძო ადგილი დაიკავა და ალვარო არბელოასთვის შეუცვლელ მოთამაშედ იქცა, ედუარდო კამავინგა სულ უფრო და უფრო ცოტა დროს ატარებდა მოედანზე.
მარტის სანაკრებო პაუზის შემდეგ, ლა ლიგაში დაბრუნებისას, მალიორკასთან მატჩში მას ნახევარდაცვის ცენტრში თამაშის საშუალება მიეცია. ნაცვლად იმისა, რომ დაემტკიცებინა თავისი საჭიროება გუნდისთვის სატრანსფერო ხმების ფონზე, კამავინგამ ამ ჭორებს მხოლოდ საფუძველი გაუმყარა.
ედუარდო რეალის იმ რამდენიმე ფეხბურთელს შორის იყო, რომლებმაც გულშემატკივრებს იმედები გაუცრუეს. სწორედ მისი შეცდომა გახდა პირველი გაშვებული გოლის მიზეზი.
რეალი საბოლოოდ 2:1 დამარცხდა. მართალია, კამავინგა ჩვეულად იბრძოდა ართმევებზე და პასებშიც ცუდად არ გამოიყურებოდა, მაგრამ მან ვერ შეძლო ნახევარდაცვის კონტროლი და ვერც პოზიციური დაცვა გააუმჯობესა.
ედუარდო კამავინგა გაყიდვასთან ახლოსაა. Diario AS-ის ჟურნალისტი მანუ დე ხუანი იტყობინება, რომ პსჟ კვლავ აქტიურად აკვირდება ედუარდოს. ფეხბურთელს, რომელიც მათ 2021 წელს რეალთან ბრძოლაში დაკარგეს.
თავად რეალიც ახლა უფრო ღიაა მისი გაყიდვისთვის. მას შემდეგ, რაც ალვარო არბელოამ და კლუბის ხელმძღვანელობამ კამავინგას კიდევ ერთი სუსტი თამაში იხილეს, ისინი მის სიტუაციას სხვა თვალით უყურებენ.
ამასთან, რეალი აპირებს კომოდან ნიკო პასის დაბრუნებას და კიდევ ერთი გამთამაშებლის დამატებას ორელიენ ჩუამენის დასახმარებლად. მანუელ ანხელისა და ტიაგო პიტარჩის პროგრესის ფონზე, კამავინგასთვის ყველაფერი ნათელია: მას მოუწევს ან საფრანგეთში დაბრუნება, ან პრემიერ ლიგის დიდი ექვსეულის რომელიმე კლუბში გადასვლა.
