უეფას კონფერენს ლიგის მეორე საკვალიფიკაციო ეტაპის განმეორებით მატჩში დინამო ბათუმი მონტენეგროს ესტუმრა და ადგილობრივ დეჩიჩს დაუპირისპირდა.
ქართულმა გუნდმა აჭარაბეთ არენაზე პირველი მატჩი 0-2 წააგო და გასვლაზე 3-ბურთიანი სხვაობით გამარჯვება სჭირდებოდა.
პოდგორიცაში ჩატარებული თამაში უგოლოდ დასრულდა (0-0) და ისე გამოვიდა, რომ დინამომ 180 წუთში დეჩიჩის კარში გოლის გატანა ვერ მოახერხა.
ბათუმურმა გუნდმა წლევანდელ ევროტურნირებზე ასპარეზობა ჩემპიონთა ლიგის პირველი საკვალიფიკაციო ეტაპით დაიწყო, სადაც რაზგრადის ლუდოგორეცთან დამარცხდა.
ახლა კი საქართველოს ჩემპიონი დეჩიჩთან მარცხის შემდეგ კონფერენს ლიგასაც ეთიშება და ევროტურნირებს ემშვიდობება.
