დინამო ბათუმი სტუმრად ქამბექის იმედად

უეფას კონფერენს ლიგის მეორე საკვალიფიკაციო ეტაპის განმეორებით შეხვედრაში დინამო ბათუმი მონტენეგროს დედაქალაქ პოდგორიცაში დეჩიჩს დაუპირისპირდება.

ქართულმა გუნდმა აჭარაბეთ არენაზე პირველი მატჩი 0-2 დათმო და რთულ სიტუაციაში აღმოჩნდა.

შემდეგ ეტაპზე გასასვლელად დინამოს 3-ბურთიანი სხვაობით გამარჯვება სჭირდება, თუ არადა გუნდი წლევანდელ სეზონში ევროტურნირებს დაემშვიდობება.

ბათუმურ გუნდს 28 ივლისს საქართველოს თასის მატჩის ჩატარება უწევდა, თუმცა ტყიბულის მეშახტესთან შეთანხმების შედეგად ეს შეხვედრა გადაიდო და დემჩენკოს გუნდმა კონფერენს ლიგის შეხვედრისთვის კონცენტრირება მოახდინა.

დინამო შემდეგ ეტაპზე გასვლის შემთხვევაში ფინურ ჰიკს დაუპირისპირდება.

დღევანდელი მატჩი 23:00-ზე დაიწყება.