დოკ რივერსი მილუოკი ბაქსის მთავარი მწვრთნელის პოსტიდან გადადგა

დოკ რივერსი მილუოკი ბაქსის მთავარი მწვრთნელის პოსტიდან გადადგა.

რივერსმა, რომელიც ბაქსის მთავარი მწვრთნელი 2024 წლის იანვრიდან იყო, გუნდი ორი პლეიოფის მონაწილეობამდე მიიყვანა და 2024 წლის NBA Cup-ის ჩემპიონობა მოაპოვებინა.

„დიდი პატივი იყო, რომ დოკი ჩვენი მწვრთნელი და ლიდერი იყო როგორც ორგანიზაციაში, ისე საზოგადოებაში.

მისი გავლენის გარდა მოედანზე, ჩვენ მადლიერები ვართ დოკის ღირსეული დამოკიდებულებისა და პროფესიონალიზმისთვის მილუოკიში მისი მუშაობის განმავლობაში.“ - განაცხადეს ბაქსის მფლობელებმა უეს ედენსმა, ჯიმი და დი ჰასლამებმა და ჯეიმი დაინანმა.

„მე ნამდვილად ძალიან შემიყვარდა მილუოკიში გატარებული დრო. დაბრუნება იქ, სადაც ჩემი კარიერა დაიწყო, ქალაქში, რომელიც ყოველთვის მიღებდა, დიდი პრივილეგია იყო.

იმედგაცრუებული ვარ, რომ ყველაფერი ისე არ გამოვიდა, როგორც ჩვენ ყველას გვინდოდა, მაგრამ გულითადად მადლობელი ვარ ამ გამოცდილებისთვის, შექმნილი ურთიერთობებისთვის და ჩვენი გულშემატკივრებისა და საზოგადოების ურყევი მხარდაჭერისთვის.

მილუოკი ყოველთვის განსაკუთრებულ ადგილს დაიკავებს ჩემს გულში, და ეს ეტაპი ჩემთვის განსაკუთრებულად დასამახსოვრებელი იქნება.“ - თქვა რივერსმა.

რივერსს NBA-ში მთავარი მწვრთნელის სტატუსით 27 სეზონი აქვს გატარებული, რაც NBA-ის ფინალში ორ გასვლასა და 2008 წელს ბოსტონთან ერთად ჩემპიონობას მოიცავს.

რეგულარულ სეზონში მისი 1,194 გამარჯვება ლიგის ისტორიაში მე-6 საუკეთესო მაჩვენებელია. რივერსი ამ თვის დასაწყისში ნეისმიტის სახელობის კალათბურთის დიდების დარბაზში შეიყვანეს.

აწ უკვე დასრულებულ რეგულარულ სეზონში მილუოკიმ 32 გამარჯვებითა და 50 მარცხით აღმოსავლეთ კონფერენციაში მე-11 ადგილი დაიკავა და პლეი-ინში გასვლაც ვერ მოახერხა.