ეჭვი მძიმე ტრავმაზე - როდის გახდება პასუხი ცნობილი?

პსჟ-ის სეზონმა შესაძლოა ბარსელონასთან ჩემპიონთა ლიგის მატჩის (4:2) დაახლოებით მე-60 წუთზე, დრამატული სახე მიიღო, როდესაც ხვიჩა კვარაცხელიასა და ჩავი ესპარტს შორის მძიმე შეჯახება მოხდა.

ქართველი ფეხბურთელი მაშინვე ტკივილისგან დაიკლაკნა და მუხლზე ხელი მოიკიდა. კადრები საკმაოდ შემაშფოთებელი იყო, ფეხბურთელს დაზიანებულ ფეხზე დაყრდნობაც კი არ შეეძლო.

მატჩის დასრულებიდან რამდენიმე საათის შემდეგ, პსჟ-ის ხელმძღვანელობა ოთხშაბათისთვის დაგეგმილი მაგნიტურ-რეზონანსული ტომოგრაფიის (MRI) შედეგების მოლოდინში იყო.

„პროგნოზის გაკეთება რთულია“, - განაცხადეს კლუბში და საკითხზე დეტალური საუბრისგან თავი შეიკავეს.

ფრანგული L'Equipe-ის ცნობით, პირველადი გამოკვლევების შემაშფოთებელი შედეგების შემდეგ, ფეხბურთელის გარემოცვაში სერიოზული შეშფოთება გაჩნდა.

სამშაბათს ღამით კვარაცხელიას რამდენიმე ახლობელი შიშობდა, რომ ქართველ ფეხბურთელს შესაძლოა მუხლის ჯვარედინი მყესი გაწყვეტილი ჰქონოდა.

ოთხშაბათს ანუ დღეს ჩატარებული გამოკვლევები ამ ვარაუდს ან დაადასტურებს, ან უარყოფს. თუმცა, სამშაბათს ღამით ქართველი ფეხბურთელის გარემოცვაში უკიდურესად დაძაბული ვითარება იყო.

ტრავმა ძალიან სერიოზულია? პირველი ცნობები კვარაცხელიას დაზიანებაზე