ელჩეს მეკარემ ჯერ თქვა რომ რეალის მეორე გოლი ჩასათვლელი იყო, შემდეგ კი აზრი შეიცვალა

ელჩეს მეკარემ ინაკი პენიამ აღნიშნა, რომ მადრიდის რეალის მეორე გოლი მისი გუნდის კარში გასაუქმებელი იყო.

გოლამდე რამდენიმე წამით ადრე ვინისიუსის ფეხი მეკარეს ფეხში მოხვდა. 

უშუალოდ მატჩის დამთავრებისთანავე, მომენტის განმეორებით ნახვამდე, პენიამ თქვა, რომ ჯარიმა არ ყოფილა: „მან ცხვირში ინერციით მომარტყა, მაგრამ ეს თამაშის ნაწილია. სამწუხაროა, რომ ბურთამდე მბაპე მივიდა და ეპიზოდი გოლით დამთავრდა."

თუმცა, უკვე მომენტის გამეორების ნახვის შემდეგ, პრესკონფერენციაზე პენიამ აზრი შეიცვალა:

„ჩემთვის ეს ჯარიმაა. მან უხეშად ითამაშა და ბურთთან მისვლის საშუალება არ მომცა. თუმცა, თუ მსაჯი ვიდეორეფერის დახმარებას ითხოვს და იქიდან "არას" ისმენს, მაშინ ვერაფერს იზამ." - აღნიშნა პენიამ.

რეალმა ლა ლიგაში ზედიზედ მეორედ დაკარგა ქულები და ბარსელონას სხვაობის 5-დან 1 ქულამდე შემცირების საშუალება მისცა.