VIDEO: რეალმა გარდაცვლილების ვიდეოში სხვა ანდრე სილვა გამოიყენა
23 ნოე, 2025 · 0 წთ წასაკითხად
-
Aa
+
ფონტის ზომა
მადრიდის რეალმა გამოაქვეყნა ვიდეო, რომელშიც პატივი მიაგო 2025 წელს გარდაცვლილ ფეხბურთთან დაკავშირებულ ცნობილ ადამიანებს, თუმცა სერიოზული შეცდომა დაუშვა.
რეალის მიერ მომზადებულ ვიდეოში ფიგურირებენ დიოგუ ჟოტა და მისი ძმა ანდრე სილვა, რომელიც 3 ივლისს ავტოკატასტროფას ემსხვერპლნენ, თუმცა კლუბმა შეცდომით ჟოტას ძმის ნაცვლად სხვა ანდრე სილვას გამოსახულება გამოიყენა - პორტუგალიელი ფორვარდის, რომელიც დღეს ელჩეში თამაშობს.
„რეალი ბოდიშს უხდის ელჩეს და მის ფეხბურთელ ანდრე სილვას, რომ მისი გამოსახულება კლუბის მიერ გამოქვეყნებულ ოფიციალურ ვიდეორგოლში მოხვდა. ვწუხვართ მომხდარის გამო." - წერია კლუბის განცხადებაში.
სხვათაშორის, რეალი ელჩეს ლა ლიგის მე-13 ტურში დღეს, სტუმრად დაუპირისპირდება.
