ენდი მარი კარიერას საფრანგეთში ასრულებს

ენდი მარიმ განაცხადა, რომ პარიზში ის თავისი კარიერის ბოლო ტურნირზე ითამაშებს.

მოგვიანებით გაირკვა, რომ ბრიტანელი ერთეულთა თანრიგის ტურნირს ჩაეხსნა და მხოლოდ წყვილთა თანრიგში ითამაშებს. მისი მეწყვილე დენ ევანსი იქნება.

სიმბოლურია, რომ ენდი მარი პროფესიონალურ ეპოქაში ერთადერთი კაცი ჩოგბურთელია, რომელსაც ორი ოლიმპიური ოქრო აქვს მოგებული. ის კი კარიერას სწორედ ოლიმპიურ თამაშებზე ასრულებს.

სამწუხაროდ, მას ერთეულთა თანრიგში ვეღარ ვიხილავთ და მისი კარიერა ამ მხრივ დასრულდა, თუმცა შოტლანდიელმა კონცენტრირება წყვილთა თანრიგზე გადაწყვიტა.

ბრიტანელს კარიერაში 3 გრანდ სლემი აქვს მოგებული - 2-ჯერ უიმბლდონი, ერთხელ US Open, ჯამში კი მის ანგარიშზე 46 ტიტულია.

ოლიმპიური ჩემპიონობა კი ენდიმ 2012 წელს ლონდონში და 2016 წელს რიო დე ჟანეიროში შეძლო.