მადრიდის რეალის თავდამსხმელის, ენდრიკის გარშემო ვითარება იძაბება.
ფაბრიციო რომანოსა და ესპანური მედიის ცნობით, ბრაზილიელი ფეხბურთელი სანტიაგო ბერნაბეუზე დარჩენასა და ჟოზე მოურინიოს გუნდში თავის დამკვიდრებას ცდილობს, თუმცა კონკურენცია უკიდურესად მაღალია.
კილიან მბაპესა და ახალწვეულ კარლოს ესპის, ასევე ძვირადღირებული ტრანსფერებისა და ვინისიუსის ფონზე, ენდრიკი ძირითადი შემადგენლობის მიღმა რჩება.
ინტერესს ასტონ ვილა და რომა იჩენენ. როგორც ირკვევა, თავად ფეხბურთელი იჯარით წასვლის შემთხვევაში მხოლოდ იმ კლუბს აირჩევს, რომელიც ევროტურნირებზე (სასურველია ჩემპიონთა ლიგაზე) ასპარეზობს და მას ძირითად შემადგენლობაში თამაშის გარანტიას მისცემს, ზუსტად ისე, როგორც ეს ლიონში იყო, სადაც მან გასული სეზონის მეორე ნახევარში 21 მატჩში 8 გოლი და 7 პასი მიითვალა.
