ერთი კაცი უბრუნდებათ, ორი გამოაკლდათ - რა მდგომარეობაა თურქეთის ნაკრებში

თურქეთისა და საქართველოს ეროვნული ნაკრებები, 2026 წლის მსოფლიო ჩემპიონატის შესარჩევი ეტაპის მე-4 ტურის ეგიდით, ქოჯაელში ითამაშებენ.

ვინჩენცო მონტელას გუნდს სწორედ საქართველოს წინააღმდეგ გაძევებული ბარიშ ალპერ ილმაზი უბრუნდება, რომელმაც 2-თამაშია დისკვალიფიკაცია მოიხადა.

მეორე მხრივ, გამოცემა Sabah-ის ინფორმაციით, არის 2-კაციანი დანაკლისიც - შეკრება, ტრავმების გამო, ფენერბაჰჩეს ფეხბურთელებმა, გარემარბმა ირფან ჯან კაჰვეჯიმ და ფორვარდმა ჯენკ ტოსუნმა დატოვეს.

3 ტურის შემდეგ, თურქეთის ნაკრებს 6 ქულა აქვს, საქართველოს - 3. შესაბამისად, გუნდები ერთმანეთთან უმნიშვნელოვანეს ურთიერთშეხვედრას მართავენ.

მატჩი 14 ოქტომბერს, თბილისის დროით 22:45 საათიდან დაიწყება და მას რუმინელი რადუ პეტრესკუ იმსაჯებს. პირდაპირ ტრანსლაციას საქართველოს პირველი არხი შემოგვთავაზებს.