ლუის ჰამილტონმა სოციალურ ქსელში პოსტი გამოაქვეყნა, სადაც მისი ძაღლის, როსკოს გარდაცვალების შესახებ გვამცნო.
"გავლილი ოთხი დღის განმავლობაში აპარატზე შეერთებული მთელი ძალით იბრძოდა, მაგრამ ცხოვრებაში ყველაზე რთული გადაწყვეტილება უნდა მიმეღო და როსკოს დავმშვიდობებოდი. ის ბოლომდე, ბოლო წამამდე იბრძოდა.
დიდი პატივი იყო, რომ ასეთი მშვენიერი სულის, ანგელოზისა და ნამდვილი მეგობრის გვერდით ცხოვრება მხვდა წილად. როსკოს ჩემს ცხოვრებაში მოყვანა იყო საუკეთესო გადაწყვეტილება, რაც კი ოდესმე მიმიღია, და სამუდამოდ დავაფასებ იმ მოგონებებს, რომლებიც ერთად შევქმენით. მიუხედავად იმისა, რომ კოკო დავკარგე, არასდროს დამჭირვებია ძაღლის დაძინება, თუმცა ვიცი, რომ ეს დედაჩემსა და ბევრ ახლო მეგობარს გამოუცდია.
ეს ერთ-ერთი ყველაზე მტკივნეული გამოცდილებაა და მე ღრმა კავშირი მაქვს ყველა იმ ადამიანთან, ვინც ოდესმე დაკარგა საყვარელი ცხოველი. მიუხედავად იმისა, რომ ეს იმდენად რთული იყო, მისი ყოლა იყო ცხოვრების ერთ-ერთი უმშვენიერესი ნაწილი - ასე ძლიერად გიყვარდეს და ამ სიყვარულითვე გიპასუხონ.
მადლობა ყველას იმ სიყვარულისთვის და მხარდაჭერისთვის, რაც წლების განმავლობაში როსკოს მიმართ გამოხატეთ. განსაკუთრებული იყო ამის შეგრძნება და ხილვა.
ის კვირა საღამოს, 28 სექტემბერს, ჩემს ხელებში გარდაიცვალა." - წერს ბრიტანელი პილოტი.
როსკო ფორმულა 1-ის სამყაროში საკმაოდ ცნობილი იყო და სხვადასხვა გრან პრისაც ხშირად დასწრებია.
