ეს განგაშის ზარია? - ჰანსი ფლიკმა ლევანტესთან გამარჯვება შეაფასა

ჰანსი ფლიკმა ლა ლიგაში ლევანტეს წინააღმდეგ ბარსელონას მიერ ჩატარებულ მატჩზე (4:2) ისაუბრა.

ბარსელონა თამაშს 3:0-ს იგებდა, თუმცა მეტოქეს ორი გოლის გატანის საშუალება მისცა და სიტუაცია დაიძაბა, სანამ მატჩის მიწურულს კარიმ ადეიემი მეოთხე გოლს გაიტანდა და გამარჯვებულზე ყველანაირ კითხვას მოხსნიდა.

– არის ეს განგაშის ზარი?

– უნდა იცოდე, როგორ გადარჩე ასეთ შეხვედრებში და როგორ მოუმატო. ვიცით, რომ მეტი შეგვიძლია, თუმცა ახლა მარტივი არ არის ყველა თამაშში მაქსიმუმის ჩვენება. როგორებიც არ უნდა იყოს გარემოებები, შედეგით კმაყოფილი ვარ. უნდა გავაანალიზოთ, რისი გაუმჯობესება შეგვიძლია. იყო კითხვები პოზიციების შერჩევასთან და მოთამაშეებს შორის გადაცემებთან დაკავშირებით. უკეთესად უნდა ვიმოქმედოთ.

– რას აძლევს გუნდს ადეიემი?

– მან მე-4 გოლი გაიტანა და მატჩში ყველა კითხვა მოხსნა. როდესაც თამაშში ჯერ არაფერია გადაწყვეტილი, ბრძოლა უნდა გააგრძელო. როდესაც ის კონცენტრირებულია, ადეიემი ფანტასტიკური ფეხბურთელია. სწორედ ამიტომ მოვინდომეთ მისი მოყვანა. მას წლებია ვიცნობ და ვიცი, რისი შეთავაზება შეუძლია ჩვენთვის.

– გორდონს გოლი ჯერ კიდევ არ გაუტანია.

– მას ჩვენთვის ბევრი რამ მოაქვს: უზრუნველყოფს კონტროლს, როდესაც ბურთს ვფლობთ და გვეხმარება ბურთის დაბრუნებაში დაკარგვის შემდეგ. ის ჩვენთვის მნიშვნელოვანია. რა თქმა უნდა, იგი ფორვარდია და სურს გაიტანოს, როდესაც შესაძლებლობა ეძლევა. დარწმუნებული ვარ, ეს მალე მოხდება, - განაცხადა ბარსელონას მთავარმა მწვრთნელმა.