ევრო 2024-ის პირველ 1/2 ფინალურ მატჩში ესპანეთის ნაკრები საფრანგეთს დაუპირისპირდა და მეტოქე 2-1 დაამარცხა.
ევრო 2024 - ფურია როხას დამაჯერებელი სვლა გრძელდება, პირველი ფინალისტი გაირკვა
გამარჯვების გოლი ფურია როხას შემადგენლობაში დანი ოლმომ გაიტანა, რომლისთვისაც მიმდინარე ტურნირზე ეს მე-3 გოლი აღმოჩნდა. ესპანელის ანგარიშზე 3 გოლთან ერთად 2 საგოლე გადაცემაცაა, რაც იმას ნიშნავს, რომ მან ბომბარდირთა დავაში უპირატესობა მოიპოვა.
3 გოლი ოლმოს მსგავსად ევრო 2024-ზე კოდი გაკპომ, გიორგი მიქაუტაძემ, ჯამალ მუსიალამ და ივან შრანცმაც გაიტანეს, თუმცა ოქროს ბუცი მხოლოდ ერთ მოთამაშეს გადაეცემა და თუ ბომბარდირთა დავაში სიტუაცია აღარ შეიცვალა, მაშინ ბომბარდირი დანი ოლმო გახდება, რადგან თანაბარი გოლების შემთხვევაში შემდეგ ყურადღება საგოლე გადაცემებს ექცევა, ოლმოს კი 3 გოლთან ერთად 2 ასისტიც აქვს შესრულებული.
1/2 ფინალური მატჩი აქვს ჩასატარებელი კოდი გაკპოსაც, რომელი 1 გოლის გატანის შემთხვევაში ოქროს ბუცისთვის ბრძოლაში დაწინაურდება, რადგან 4 გოლი ტურნირზე მხოლოდ მას ექნება გატანილი.
მოკლედ, ჩემპიონთან ერთად ევრო 2024-ზე ბომბარდირიც გამოსავლენია, მთავარი კონკურენტები კი დანი ოლმო და კოდი გაკპო არიან.
