უეფამ ჩემპიონთა ლიგისა და ევროპა ლიგის მე-3 საკვალიფიკაციო ეტაპის წილისყრა ჩაატარა, რის შედეგადაც იბერია 1999-ის სავარაუდო მეტოქეები გაირკვა.
ჩემპიონთა ლიგის მე-2 საკვალფიკაციო ეტაპზე, ბრატისლავას სლოვანთან გამარჯვების შემთხვევაში, იბერიას მეტოქე მომდევნო ეტაპზე შვედურ მიალბისა და გიბრალტარულ ლინკოლნს შორის გამარჯვებული იქნება.
ჩემპიონთა ლიგაზე მარცხის შემთხვევაში კი, იბერია 1999 ევროპა ლიგის მე-3 საკვალიფიკაციო ეტაპზე ჩრდილო ირლანდიურ ლარნესა და სერბულ ცრვენა ზვეზდას შორის დამარცხებულს შეხვდება.
ამ ბარიერის დაძლევის შემთხვევაში, იბერიას გარანტირებული ექნება კონფერენს ლიგის ჯგუფური ეტაპი, მარცხის შემთხვევაში კი კონფერენს ლიგის საკვალიფიკაციო ეტაპის პლეიოფში გადაინაცვლებს.
საქართველოს მოქმედი ჩემპიონი ჩემპიონთა ლიგის მე-2 საკვალიფიკაციო ეტაპის პირველ მატჩს ბრატისლავას სლოვანთან 21 ივლისს, 20:00 საათზე, მიხეილ მესხის სახელობის სტადიონზე გამართავს.
დინამოსა და დილას სავარაუდო მეტოქეები კონფერენს ლიგაზე ცნობილია
