ფიფას პრეზიდენტი, ჯანი ინფანტინო, საქართველოს სპეციალური ვიზიტით ესტუმრა.
ვიზიტის ფარგლებში, 13 ნოემბერს, მსოფლიო ფეხბურთის მმართველი ორგანოს ხელმძღვანელი, ფიფას დელეგაციასთან ერთად, შეხვედრებს გამართავს საქართველოს ფეხბურთის ფედერაციის წარმომადგენლებთან.
ფიფას პრეზიდენტთან ერთად, საქართველოს ორგანიზაციის სხვა მაღალჩინოსნები ეწვევიან, მათ შორის, ვეტერანი ფრანგი ფეხბურთელი იური ჯორკაეფი, ფედერიკო რავილიონე, ელხან მამადოვი და მარკო ფერი.
ასევე დაგეგმილია საფეხბურთო ინფრასტრუქტურის დათვალიერება, მათ შორის, ყოფილი ავაზას ტერიტორიაზე მიმდინარე სფფ-ის დიღმის საფეხბურთო ცენტრის მშენებლობის დათვალიერება, რომელიც ფიფას თანადაფინანსებით მიმდინარეობს. სტუმრები ასევე ეწვევიან მიხეილ მესხის სახელობის სტადიონს. - ინფორმაციას საქართველოს ფეხბურთის ფედერაცია ავრცელებს.
