ლივერპულის მთავარმა მწვრთნელმა, არნე სლოტმა, ჩემპიონთა ლიგის 1/4 ფინალის პირველ მატჩში, პსჟ-სთან პარიზში 0:2 მარცხზე, კომენტარი გააკეთა.
"ვფიქრობ, გაგვიმართლა, რომ 0:2 წავაგეთ, რადგან მათ იმაზე მეტი შანსი ჰქონდათ, ვიდრე გაიტანეს. მეორე მხრივ, უნდა ითქვას, რომ პირველი გოლისთვის მათ ბევრი არ გაუკეთებიათ და ასხლეტილი ბურთი კარში შევარდა, თუმცა ამის შემდეგ ბევრი მომენტი შექმნეს.
ისინი ბურთსა და სივრცეებს წარმოუდგენელი ტემპით აკონტროლებდნენ, თანაც, მთელ მოედანზე და ყველა წერტილში. ვფიქრობ, შეამჩნევდით, რომ მაღალი პრესინგის თამაში ბევრჯერ ვცადეთ, რამდენჯერმე ამან იმუშავა, უფრო ხშირად ისინი დაძრომას ახერხებდნენ. როცა კაცი-კაცზე თამაშს ვცდილობდით, განსაკუთრებით პირველ ტაიმში, 2-3-ჯერ მოხდა, რომ ბურთი ზურგს უკან გადაგვიგდეს და მათი მოთამაშე გაიქცა. ეს მეორე ტაიმშიც რამდენჯერმე მოხდა.
ძალიან კარგია, რომ ჯერ კიდევ თამაშში ვართ და ვითარების შემოტრიალება ენფილდზე შეგვიძლია. ყველამ კარგად ვიცით, ენფილდს რამდენად დიდი განსხვავების შექმნა შეუძლია. წინა სეზონის მატჩმაც გამიჩინა შეგრძნება, რომ შემოტრიალება შეგვეძლო", - განაცხადა სლოტმა.
გუნდები ენფილდზე 14 აპრილს ითამაშებენ და 1/2 ფინალისტს გამოავლენენ - გამარჯვებული ბაიერნი-რეალის წყვილში უკეთესს ხვდება.
"მეტი გოლი უნდა გაგვეტანა, ენფილდისთვის მზად ვართ" - კვარაცხელია Canal+-სთან
