„გამაგდებენ, გამაგდებენ", — ვინისიუსის ირონიული პასუხი სიმეონეს

მადრიდის რეალის ვინგერმა, ვინისიუს ჟუნიორმა, ატლეტიკოს მწვრთნელს, დიეგო სიმეონეს, მისივე სიტყვები შეახსენა.

22 მარტს გამართულ მადრიდულ დერბიში რეალმა ატლეტიკო 3:2 დაამარცხა.

ბრაზილიელმა ამ შეხვედრაში დუბლი შეასრულა და 87-ე წუთზე შეცვალეს. მოედნიდან გასვლისას ვინისიუსმა სიმეონეს გვერდით ჩაუარა და ოთხჯერ გაუმეორა: „მე გამაგდებენ“, რამაც არგენტინელი სპეციალისტი აშკარად გააღიზიანა.

ვინისიუსის ეს ფრაზა იანვრის მატჩს უკავშირდება, როდესაც ესპანეთის სუპერთასზე რეალმა ატლეტიკოს 2:1 მოუგო.

იმ შეხვედრის მიმდინარეობისას სიმეონემ ვინისიუსს უთხრა: „პერესი შენ გაგაგდებს, დაიხსომე ჩემი სიტყვა“.